2022劇場界首個震撼彈 ── 莊梅岩╳黃子華╳潘燦良《最後禮物》

未到2022年，劇場界周二（23/11）率先向觀眾投下新一年首個本地製作「震撼彈」── 黃子華與潘燦良將會攜手合作，演出全新原創舞台劇《最後禮物》，劇本由曾經六度奪得「香港舞台劇獎」最佳劇本獎的莊梅岩創作。

熟知話劇圈行情的讀者應該記得，「子華神」和阿燦過去先後各自在莊氏創作的演出裏擔正，前者是「第40屆香港藝術節」特約創作的明星劇場《野豬》（2012），後者則包括《教授》（2014）、《短暫的婚姻》（2019）和《聖荷西謀殺案》（2021）三套作品，惟從沒試過同台演出，故今次三人「合體」的消息一出，社交網絡上已迅即出現洗版潮，個個都話開心又擔心，因為這個重磅黃金組合著實吸引，就算公演30場，相信仍然不足以應付市場需求，撲飛難度只會有增無減，大會策劃及監製馮貽柏表示，假若《最後禮物》12月初（7/12）公開發售後反應空前熱烈，仍會跟一眾演員商議加場。

對於今次終於能夠與「劇帝」（香港舞台劇獎最佳男主角）阿燦合作，「子華神」坦言這是夢寐以求的事，因為他倆頗有淵源，前後腳加入香港話劇團，屬同門師兄弟，加上一直以來都視對方為偶像，劇本又是出自莊梅岩手筆，所以收到劇組邀請後，二話不說便答應演出。「子華神」日前在清水灣片廠拍攝宣傳海報之後受訪時說：「我會講下笑啦，但有啲嘢我唔講笑，我話『偶像』呢，係的而且確，我諗佢（潘燦良）可能係香港我其中一個，單講係舞台呢，我係睇得最多嘅人，我諗我睇咗起碼有十套戲以上，唔覺唔覺。」獲戴高帽的阿燦隨即回應師兄，「你都唔係做好多（舞台劇），但我都有睇㗎。當呢件事開始發生嘅時候，子華會做一個咁嘅戲，又搵我同佢一齊做，我覺得係一個好難得嘅機會，我覺得應該一定要去做嘅。」

談到今次演出的故事，「子華神」竟然願意率先為大家「劇透」？ 「大家知道前排有套劇叫《大叔的愛》，我哋呢一個戲呢叫《最後禮物》，但我自己心目中，佢有權係叫做《大叔的恨》，因為而家「大叔」（韓文「아저씨」）好吃香嘛，我哋兩個「阿渣C」其實係喺呢個戲裏面，唔講畀大家聽係講乜嘢嘅，但係呢兩個大叔之間係有好大嘅恨喺度。」阿燦補充：「又因為好多嘅愛喺裏面，先至會恨得咁緊要。」子華聽到這句之後急忙澄清，「嗱，大家唔好誤會，唔係『叔叔的愛與恨』嚟嘅，同埋呢個唔係剩係你同我做嘅戲，（潘：仲有好多人做㗎！）其實我幾震撼，我哋有一次圍讀，我見到在座嗰啲演員，我都認為個個都係獨當一面，『吓？你竟然會嚟呢一度，幫我哋一齊做呢個戲？』我自己覺得，真係一個重量級嘅製作，其他有份參與嘅（演員），有佢（主演）我都會去睇㗎喇真係嗰啲戲，而家係一堆。」最後兩位主角強烈呼籲就算身在海外的觀眾，要「嗱嗱聲」返香港隔離睇騷。真係如果你依家係外國，都應該拿拿聲返來隔離，因為距離開騷的日子，大概只有一個半月的時間。

除了兩位主角外，其他演出陣容計有兼任戲劇顧問的陳曙曦，還有韋羅莎、黎玉清、區嘉雯、余翰廷、陳康、廖愛玲、梁浩邦和黎濟銘。由於時間緊迫，現時劇組已經開始投入綵排工作，惟編劇莊梅岩現時身在美國，參加愛荷華大學的國際寫作計劃，稍後才會返港，所以開會、圍讀，以及即將的綵排，大家都以視像方式溝通。《最後禮物》2022年1月7日至2月13日期間於香港演藝學院歌劇院公演，共演30場，票價由480港元至880港元不等，11月29日Citi信用卡客戶優先購票，12月7日快達票公開發售。