要說湯令山（Gareth. T）是近年香港（不止樂壇），最大的驚喜也不為過－－
他出道早期只推出英文歌，卻憑著曲風鮮明、聲線獨特，已罕有地引起不少本地關注；其後在萬眾期待下推出廣東歌，從《勁浪漫超溫馨》、《笑住喊》、《國際孤獨等級》、《緊急聯絡人》、《用背脊唱情歌》到最新的《泥菩薩》，首首膾炙人口，MV和宣傳亦每有新意，彷彿他做什麼，都會成為全城熱話。如果眼鏡、背心、肌肉是他的象徵，音樂則是他的號角。
最近Gareth化身心傷王子，將到倫敦及澳門舉行演唱會，而澳門站更兩度加場，共三場門票皆火速售罄，足見他受歡迎的程度。但主流的成功，並不足以定義Gareth，他依然予人極高可塑性的感覺，不止因為他只有25歲，還因為他對美學的堅持、對創作的執著、對創新的渴望，才只是嶄露頭角。
心傷王子是如何煉成
籌備演唱會，無疑是一個重新審視過往作品的機會，Gareth認為出道至今最大的改變，是作品的語言和曲風：「最近兩年出多咗好多廣東歌同國語歌，英文歌少咗⋯同埋我本身好鍾意快歌，例如Hip Hop同R&B，而家係少咗做，出多咗抒情嘅慢歌，但唔係唔想寫快歌，而係可能Ballad比較適合我而家嘅心情。」
曲風隨著Gareth的心情轉變，但當中不變的，是他對音樂質素的一絲不苟，最好的把關者，正是出名高要求的自己：「我要make sure我出嘅歌，係自己鍾意先會出，如果唔鍾意我就會改到鍾意為止，就算臨出都會有小改動，去到覺得最完整先會出。」
編排演唱會的歌單，對Gareth來說，就像DJ打碟一樣，是為不同類型的作品，安排在最好的位置登場：「我早排學咗打碟，DJ玩一個set要歌接歌，可能第一首冇人識，第二首有人識，第三首冇人識⋯而我排演唱會歌單，都用咗類似嘅概念⋯如果有某啲歌想吸引多啲注意力，就會放喺setup好嘅位置。」這份精心安排的歌單，無疑是一個雙向的give & take，既是對作品的交代，更是對樂迷體驗的照顧。
Wyman是個好隊友
Gareth的作品如斯流行，除了歸功於歌曲本身，黃偉文（Wyman）流麗的歌詞也不可或缺。第一首廣東歌《勁浪漫超溫馨》、《國際孤獨等級》、《緊急聯絡人》、《用背脊唱情歌》及《泥菩薩》，皆出自Wyman手筆。兩人攜手猶如一個絕妙的平衡，將Gareth風格化的作品，以本地樂迷一向熟悉的方法呈現，既新鮮又親切，兩人之間的合作關係為何？
Gareth指：「我覺得一首歌嘅旋律同編曲，某程度上認定咗歌詞大概講乜，有個框架。我通常會自己諗清楚啲，再同Wyman講，可能講一個電話⋯有時我會畀啲idea佢，佢又會畀返啲idea我，中間好多back and forth，傾傾下首歌就係咁出嚟⋯個感覺就好似做group project，搵到一個好好嘅隊友咁。」
擴闊創作的邊界
Gareth的音樂喜好多元又國際化，不論是早期R&B味較濃的作品，還是在social media發佈偏hip hop的demo；曾在個人音樂會cover英國樂隊Radiohead的《Creep》，又在2023年的Tone Music Festival，帶來令人驚喜的一整段Hip Hop setlist，甚至不少band show及音樂會，都會見到Gareth的身影。不難相信，Gareth有更想嘗試和挑戰的音樂類型，但他卻成功駕馭主流樂壇，這又是否能為他帶來更自由的創作空間？
Gareth聞言，耐人尋味地沉默半响，才徐徐回答：「我覺得我嘅自由可以擺喺唔同方面發揮⋯暫時出嘅歌，相比之後再出嘅歌，唔係真係咁創新，但我就將創新呢個想法，擺落唔同方面，好似拍MV，上次《用背脊唱情歌》就係第一次做導演，其實好好玩，所以嚟緊嘅project都會繼續諗橋，喺其他創作方面都有自由。」
Gareth坦言，創新對他來說，是相當重要的事：無論是歌曲、MV，到髮型和造型，Gareth都有自己的主意，但他卻把更多的credit，歸功於與他共同實現的創作團隊：「好多嘢如果冇呢個團隊，係一定唔會做到，好似朗豪坊《用背脊唱情歌》嘅宣傳，冇Peter冇Vienna，冇錄音嘅Jenifer，係唔會做到。」《泥菩薩》的MV，同樣由與他合作無間的創作團隊東風財運操刀，能夠凝聚一群齊上齊落的隊友，自然令他更放得開去嘗試。
尚未推出的狂想
問到未來Gareth最想做到的事，話題又再回到音樂：「最想都係做唔同類型嘅音樂，其實好多歌係做咗，但係一直冇出，係因為我覺得未夠好⋯當做呢啲類型音樂嘅時候，就唔係同香港去比較，而係同緊個世界比較，如果未做得好過佢哋，咁就未出得，所以就算做咗好多歌，時間都係未啱。」
曾經Gareth的「戰士論」，成為過大眾茶餘飯後的話題，但他在音樂創作的路上，始終是果敢向前的戰士。他才華橫溢，卻不因個人喜惡固步自封，果敢踏入不同領域，務求爭取更大的空間，做更隨心所欲的作品，同時又是對音樂質素最嚴厲的把關者。這過程注定是one battle after another，但也更令人期待，他能夠迎來盡情展現自己的想法和才華的一日，把那些未推出的音樂狂想逐一實現。
