JNYBeatz X 林家謙《靈魂出竅練習曲》 跳出Comfort Zone的跨界聯乘

撰文：游大東
圖片：環球唱片提供
_
社交媒體早已跟日常生活完全融合，大眾接收訊息渠道變得零碎的當下，唯有聯乘（Crossover）才能穩贏，拒絕接受這種新趨勢的人只會變成「孤島」，反而透過不同組合的協作才能達致共贏（Win-Win），既增加曝光率兼能夠吸納新擁躉。乘著去年香港樂壇大復興，圈中聯乘的例子數之不盡，計有鄭欣宜 × SERRINI的《先哭為敬》（尾班車Version）、張天賦（MC） × 馮允謙（Jay Fung）的《反對無效》英文版《How Many Times》、姜濤 × 江海迦（Aga）的《I Know》、湯令山（Gareth.T）× 葉巧琳（Mischa）的《Kiss Me More》等等，為力撐廣東歌的聽眾帶來不同選擇。

踏入2022年的第一個星期，人氣爆燈的林家謙與前Dusty Bottle成員、現為Producer Artist的JNYBeatz（楊駿，簡稱JNY）隨即攜首為歌迷送上「新年新驚喜」 ── 新歌《靈魂出竅練習曲》，誠如JNY所言，希望大家能夠在新一年有新開始，反思人生，尋回平靜思緒，在紛擾中仍能自在。《靈魂出竅練習曲》由JNY與林家謙聯合唱作，鄭敏譜詞，JNY負責編曲外，又與Karris Sauch擔任監製。新歌旋律有別於傳統Rap歌沉重暗黑充滿戾氣，今次JNY與林家謙為配合歌曲的冥想主題，以較為清爽輕快的日系曲風作為主調，感覺繽紛。

當初為何會邀請林家謙合作？JNY在新歌紀錄片中透露：「我一路都有聽林家謙佢出嗰啲歌，我係好Appreciate佢啲Melody Mind，因為我其實真係諗唔到呢一方面（林氏作品）嘅Melody。（今次）同林家謙Collab係用佢個Melody，喺我呢一方面嘅Beat（風格），好似未有咁嘅火花做（出現）過，就覺得不如試下，同埋我留意到林家謙除咗玩Pop之外，其實佢有玩R&B，我喺IG有望過佢喺ViuTV《歌手‧門》係有三隻歌Medley，睇佢彈Keyboard，咦，原來佢有玩呢一類型有少少neo-soul（靈魂樂）或者Soulful少少嘅嘢，我（以往）唔覺得佢有玩呢啲，（因為）佢一路Present出嚟啲歌，全部都係比較Pop，我就覺得，佢自己有另外一方面嘅喜好，可以喺今次呢個Project嗰度Jam到落去。」

走出Comfort Zone與新單位合作，自然會拼出新火花，亦同時需要時間適應。JNY直言今次錄歌期間，有些部份相當難唱，「Hip-hop好少咁咬文嚼字。」連林家謙也承認，《靈魂出竅練習曲》有別於以往林氏作品的風格，節奏爽快，但歌詞密集，而且旋律變化大，故演唱難度幾何級上：「雖然今次未必好似平時我嘅歌咁，一個字或者一個音扭好多次，但係其實個旋律上上落落都等於我扭緊音，只不過將啲扭音拆做幾個字。而且啲歌詞都唔易唱，所以難度係幾何級咁上，不過都好好玩。」

林家謙又提到，雖然曾經想過修改部份用字，令歌曲變得更易唱，但又不想放棄鄭敏筆下原有歌詞組合呈現出來豐富有趣，所以錄製出現時大家聽到的版本。鄭敏表示，譜詞期間沒有想太多演繹難度，反而忠於自己最初聽到這首歌有何感覺，「於是決定玩一個Idea就係，好似一首三分鐘（歌曲），等大家一齊去入咗（另）一個境界，寫落去嘅時候都好Flow（流暢自然），一晚（內）大半首歌詞都出咗嚟。」他說，因為周遭環境影響，香港人的生活都要承受很大壓力，所以想藉這首歌帶出一種治癒感覺，那怕只是短短的三分鐘。

為配合《靈魂出竅練習曲》的旋律與歌詞，由叁沾百各製作、Acid Fong與Tevin Wong聯合執導的MV，《靈魂出竅練習曲》MV以第一身視覺拍攝，模擬靈魂出竅的過程，主角JNY穿梭三個平行時空，一樣的場景，一樣的人、事、物衍生出三組不同的故事綫。故事講述JNY於辦公室內過著日復日的枯燥生活，直至有天收到一個神秘包裹，內藏一個打火機，他拿出來，很自然地點火，豈料開展一趟又一趟奇幻之旅。到MV結尾觀眾會發現，其實一切都是JNY的幻覺，讓自己短暫抽離漫無目的又乏味的生活。正如很多人每日奔波勞碌，下班回家後喜歡坐著發呆，就是為了讓自己思緒放空，幫自己腦袋「洗機」。

MV連結：